May 9 elections pormal nang idineklarang holiday ng Malakanyang
Opisyal nang idineklara ng Palasyo ng Malakanyang bilang special non-working holiday ang May 9, 2022 o araw ng eleksyon.
Sa bisa ng Proclamation No. 1357, idineklarang holiday sa buong bansa ang nasabing petsa.
Nakasaad sa proklamasyon na ito ay para mabigyang pagkakataon ang publiko na makaboto.
Ang proklamasyon ay nilagdaan ni Exxecutive Sec. Salvador Medialdea ngayong Huwebes, May 5 kalakip ang lagda ni Pangulong Rodrigo Duterte at presidential seal. (DDC)
