15 dayuhan nagpositibo sa COVID-19 sa Palawan
Kinumpirma ng Department of Health (DOH) na mayroong labinglimang dayuhang biyahero ang nagpositibo sa COVID-19 sa Palawan.
Sa inilabas na pahayag, sinabi ng DOH, na pawang fully vaccinated ang mga dayuhan at labingtatlo sa kanila ay asymptomatic, habang dalawa ang nakitaan ng mild symptoms.
Isinailalim sila sa RT-PCR test noong April 29 at April 30.
Labingapat sa kanila ay nasa isolation facilities na habang isa ang nasa ospital.
Ang buong lalawigan ng Palawan ay nasa ilalim ng Alert Level 2 hanggang sa May 15, maliban sa bayan ng Cagayancillo na nakasailalim sa Alert Level 1. (DDC)
