DOH nakapagtala ng 1,399 na bagong kaso ng COVID-19 sa nakalipas na isang linggo
Nakapagtala ng 1,399 na bagong kaso ng COVID-19 sa bansa mula April 25 hanggang May 1, 2022.
Ang datos ayon sa Department of Health (DOH) mas mababa ito ng 5 percent kumpara sa naitalang mga bagong kaso noong April 18 hanggang April 24.
Ayon sa DOH, sa 1,399 na bagong mga kaso, walang naitalang severe at critical cases.
Habang nakapagtala naman ng 215 na dagdag na bilang ng mga nasawi .
Samantala, iniulat din ng DOH na mayroon nang 67,911,464 na fully vaccinated individuals.
Umabot naman na sa 13,231,643 ang nakatanggap ng booster shots. (DDC)
