BREAKING: Kaso ng COVID-19 sa bansa 194,252 na; dagdag na 4,686 cases ang naitala ng DOH
Umabot na sa 194,252 ang kabuuang bilang ng kaso ng COVID-19 na naitala sa bansa.
Sa case bulletin ng Department of Health na inilabas alas 4:00 ng hapon ngayong Lunes, August 24, 2020 nakapagtala ng 4,686 na dagdag na mga kaso.
Ang mga nadagdag na kaso ay mula sa resulta na inilabas ng 95 out of 109 laboratories.
May naitala ring 729 na dagdag na recoveries kaya umabot na sa 132,042 ang total reported recoveries sa bansa.
Nakapagtala naman ng 13 pang nasawi dahil sa COVID-19 kaya umabot na sa 3,010 ang bilang ng mga nasawi sa sakit. (END)
