Libreng sakay sa MRT-3 pinalawig ng isang buwan pa

Good news para sa mga commuter!

Pinalawig hanggang sa May 30, 2022 ang pagpapatupad ng libreng sakay sa MRT-3.

Ayon sa pamunuan ng MRT-3 magpapatuloy ang libreng sakay sa rail line hanggang May 30 sa kabuuan ng operating hours mula 4:40AM hanggang 10:10PM.

Matatandaang nagsimula ang programa noong March 28 at nakatakda sanang matapos sa April 30, 2022.

Ayon kay Department of Transportation (DOTr) Secretary Art Tugade, ang pagpapalawig ng libreng sakay ay para patuloy na makapaghatid ng tulong sa mga commuter na naaapektuhan ng pagtaas ng mga bilihin at krudo.

Ito rin ay upang mas marami pa ang makinabang sa mas pinaayos at pinagandang serbisyo ng newly-rehabilitated MRT-3 line. (DDC)