Magkasunod na pagsabog sa Jolo, Sulu kinumpirma ng PNP; agarang imbestigasyon iniutos ni PNP chief, Gen. Archie Gamboa

Kinumpirma ng Philippine National Police (PNP) ang dalawang magkasunod na pagsabog na naganap sa Jolo, Sulu.

Sa pahayag sinabi ni Police Brig. Gen. Bernard Banac, tagapagsalita ng PNP na naganap ang pagsabog sa bisinidad ng Paradise Food sa Barangay Walled Jolo, Sulu.

Agad aniyang rumesponde ang mga tauhan ng Jolo Municipal Police Station para ilikas ang mga nasugatan at tiyakin ang kaligtasan ng mga residente sa lugar.

Kasabay nito, iniutos na ni PNP chief, Police General Archie Francisco Gamboa sa PRO BAR na agad i-secure ang lugar.

Inatasan din ni Gamboa si PRO BAR Dir. Police Brig. Gen. Manuel Abu na agad magsagawa ng imbestigasyon at papanagutin ang mga nasa likod ng pagsabog. (END)