Kumakalat na impormasyon tungkol sa lindol at tsunami, peke ayon sa Phivolcs
Nagbabala ang Phivolcs sa publiko hinggil sa mga pekeng impormasyon na ipinakakalat sa social media tungkol sa lindol at tsunami.
Batay sa mga ipinakakalat na mensahe, magkakaroon umano ng lindol sa Cagayan de Oro at Tagoloan River.
Ginamit pa ang pangalan ni Phivolcs Dir. Renato Solidum sa nasabing mga mensahe.
Ayon sa Phivolcs, walang inilalabas na ganitong babala ang ahensya.
Pahayag ng Phivolcs, hanggang sa ngayon ay wala pang teknolohiya sa buong mundo na makapagsasabi kung kailan at saan eksaktong tatama ang lindol.
Paalala ng Phivolcs sa publiko iwasang ipakalat ang ganitong mga impormasyon. (DDC)
