Grand Finals ng PBA 3×3 naantala dahil sa sunog malapit sa Araneta Coliseum
Naantala ang Grand Finals ng PBA 3×3 makaraang may sumiklab na sunog sa construction site malapit sa Araneta Coliseum.
Ayon kay PBA Commissioner Willie Marcial, kinailangang palikasin ang mga nasa loob ng big dome dahil pumasok ang usok sa venue habang nangyayari ang 3×3 Second Conference Grand Finals.
Pinauwi na lang muna ang mga manlalaro ayon kay Marcial.
Nagsimula ang sunog bago mag-tanghali ngayong Miyerkules (Apr. 20).
Pasado ala 1:00 ng hapon nang maideklara itong fire out.
Dahil sa nasabing sunog hindi na rin tuloy ang Game 6 sa pagitan ng Barangay Ginebra San Miguel at Meralco Bolts.
Gagawin na lamang ito sa Biyernes sa Mall of Asia Arena.
Sa mga nakabili na ng ticket, maari itong i-refund sa Ticketing Office ng Big Dome. (DDC)
