Klase sa mga pampublikong paaralan suspendido mula May 2 hanggang May 13

Sinuspinde ng Department of Education (DepEd) ang klase sa mga pampublikong paaralan simula May 2 hanggang sa May 13, 2022 bilang paghahanda sa eleksyon.

Sa DepEd Order No. 29, s. 2021, idineklara ang nasabing mga petsa bilang National Election-related Activities ng mga guro at kawani ng DepEd.

Layunin nitong makapaghanda at makapagsimula na ng preparasyon ang mga guro at iba pang kawani ng DepEd para sa gaganaping May 9 elections.

Sa kabila ng suspensyon ng klase sa nasabing mga araw, ang mga guro ay inaasahan pa ring mag-report sa paaralan sa mga araw na wala silang election-related duties o activities. (DDC)