Mahigit 90,000 pamilya naapektuhan ng Bagyong Agaton; 20 ang naitalang nasawi ayon sa NDRRMC

Nakapagtala na ng dalawampung nasawi dahil sa pananalasa ng Bagyong Agaton.

Ayon sa National Disaster Risk Reduction and Management Council (NDRRMC), mayroon ding isa pang nawawala, habang mayroong anim na sugatan batay sa opisyal nilang datos.

Umabot naman sa 95,741 na pamilya o katumbas ng 139,146 na katao mula sa walong rehiyon sa bansa ang naapektuhan ng bagyo.

Sa nasabing bilang, mayroong 17,070 na katao ang nananatili pa sa mga evacuation center.

Nakapagtala din ng 91 mga bahay ang nasira ng bagyo. (DDC)