Daniel Padilla may sarili nang branch ng fast food chain

Sa wakas, binuksan na ni Daniel Padilla at kanyang ina na si Karla Estrada ang sariling branch ng fried chicken and fast food franchise sa Tacloban City.

Ipinasilip ni Karla sa kanyang Instagram page, ang mga ganap sa kanilang opening event na dinaluhan ng maraming parokyano.

Sinabi pa ng TV Host/Actress sa kanyang anak na si Daniel na wala siyang mapaglagyan ng ligaya at sana ay magkaroon pa sila ng maraming business ventures na magkasama.

Tumanggap ang mag-inang Karla at Daniel ng congratulatory messages mula sa kapwa celebrities na sina Iza Calzado, Marjorie Barretto at Ruffa Gutierrez.

Nagpadala rin ng pagbati ang mommy ni Kathryn Bernardo na si Min Bernardo.

Una nang tinawag ni Karla ang kanilang business venture bilang “dream come true.” (Infinite Radio Calbayog)