6 nasawi, 12 pa ang sugatan sa insidente ng pamamaril sa Sacramento, California

Nasawi ang anim na katao habang sugatan ang labingdalawang iba pa sa pamamaril na naganap sa Sacramento, California.

Ayon kay Sacramento Police Chief Kathy Lester, nakatakas ang mga suspek sa insidente kaya humihingi sila ng tulong sa publiko para makilala at mahanap ang mga ito.

Nangyari ang pamamaril malapit lamang sa Golden 1 center na pinagdarausan ng basketball game ng Sakramento Kings at madalas ding pagdausan ng konsyerto.

May na-recover naman ang mga pulis na isang baril na ginamit ng mga suspek.

May mga video na ini-upload sa social media kung saan makikita na may mga nagtatalo bago nangyari ang pamamaril.

Hinimok ng Sacramento Police ang mga may hawak ng video na isumite ito sa otoridad. (DDC)