Jungkook ng BTS nagpositibo sa COVID-19

Isa pang miyembro ng K-pop group na BTS ang nagpositibo sa COVID-19.

Inanunsyo ng BigHit Music na nagpositibo sa sakit si Jungkook na pinakabatang miyembro ng grupo.

Nasa Las Vegas ngayon ang BTS para dumalo sa 64th Grammy Awards na idaraos sa April 3.

Ayon sa pahayag, nakasailalim ngayon sa self-quarantine si Jungkook at nakararanas lamang ng bahagyang sore throat.

Bago umalis sa South Korea ay negatibo ang resulta ng RT-PCR Test ni Jungkook kaya nakaalis ito patungong US noong March 27.

Hindi pa alam kung makalalahok si Jungkook sa performance ng BTS sa Grammy.

Samantala, ang isa pang BTS member na si J-Hope ay hindi nakaalis patungong US dahil nagpositibo ito sa COVID-19 noong Mar. 24.

Sa ilalim ng quarantine rules ng South Korea tatagal ang kaniyang isolation hanggang sa March 30.

Sinnabi naman ng BigHit na makaaalis pa rin patungong US si J-Hope kapag natapos na ang quarantine. (DDC)