Pulis nasawi sa aksidente sa Maynila

Patay ang isang pulis makaraang mabangga ang minamanehong motorsiklo sa center island sa bahagi ng Anda Circle, Port Area, Maynila.

Sa imbestigasyon ng Manila Police District (MPD) nangyari ang aksidente ala 1:00 ng madaling araw ng Lunes, March 28.

Minamaneho ng pulis na si John Rudolf Cruz, 23 anyos ang kaniyang motorsiklo nang mawalan ito ng kontrol at bumangga sa center island.

Tumilapon si Cruz sa sementadong bahagi ng kalsada.

Nabatid na si Cruz ay isang pulis na may ranggong patrolman, residente ng Talavera, Nueva Ecija at nakatalaga sa Aviation Security Group. (DDC)