Aktres na si Ana Jalandoni na-rescue ng mga otoridad sa isang hotel sa Tagaytay makaraang saktan umano ng BF na si Kit Thompson
Iniligtas ng mga pulis sa isang hotel sa Tagaytay City ang aktres na si Ana Jalandoni.
Sa ulat ng ABS-CBN, inalerto ang mga otoridad sa Tagaytay makaraang humingi ng tulong si Jalandoni sa mga kaibigan nito at sinabing sinasaktan siya ng aktor na si Kit Thompson na kaniyang kasintahan.
Maging ang mga staff ng hotel ay napansin ang komosyon sa loob ng hotel room ng dalawa kaya nagawa ring makatawag sa Tagaytay Police.
Nakapagpadala pa ng kaniyang larawan si Jalandoni na puro pasa sa mukha.
Agad dinala ng mga pulis sa ospital si Jalandoni.
Habang isinasailalim naman sa imbestigasyon si Thompson sa istasyon ng pulisya. (DDC)
