P15M na halaga ng imported na sibuyas, mung beans, at bawang nakumpiska sa Valenzuela City

Sinalakay ng mga tauhan ng Bureau of Customs (BOC) at National Bureau of Investigation-Special Action Unit (NBI-SAU) ang isang warehouse sa Punturin, Valenzuela City.

Sa bisa ng Letters of Authority (LOA) at Mission Order (MO) nakumpiska ng mga otoridad ang P15 million na halaga ng ng imported na mga sibuyas, mung beans, at bawang.

Samantala nagsagawa din ng inspeksyon ang mga otoridad sa isang warehouse sa Taytay, Rizal.

Natuklasan sa nasabing warehouse ang mga imported frozen chicken, beef, pork, sausages, butter, at iba pang foodstuffs na tinatayang worth P50 million ang halaga.

Pansamantalang isinara ang nasabing warehouse habang hindi nakapagpapakita ang may-ari nito ng proof of payment ng duties and taxes at iba pang dokumento. (DDC)