SSS branches sa NCR pinahaba ang operasyon

Mas pinahaba ang operasyon ng mga branch ng Social Security System (SSS) sa Metro Manila.

Ito ay para matugunan ang pagdagsa ng publiko na nagtutungo sa mga branch ng SSS para sa kanilang transaksyon.

Sa abiso ng SSS, simula ngayong araw, March 11 hanggang sa March 31 ay 6AM to 6PM na ang operasyon ng mga SSS branch sa buong NCR.

Wala ding ipatutupad na “cut-offs” sa bawat transaksyon at lahat ng miyembro na nasa loob na ng branch ay kailangang asikasuhin kahit matapos na ang business hours.

Ipatutupad pa rin ang Branch Coding System at hinihikayat ang mga miyembro na mag-book ng appointment sa pamamagitan ng SSS website.

Maari pa ring mag-transact sa My.SSS accounts o sa SSS Mobile App. (DDC)