259 na Pinoy mula Ukraine ligtas na sa panganib
Umabot na sa 259 na Pinoy ang nailikas mula sa Ukraine ayon sa Department of Foreign Affairs (DFA).
SA datos ng DFA, 90 Pinoy mula sa Ukraine ang nakauwi na sa Pilipinas.
Mayroon pang 60 ang paparating na rin sa bansa.
Habang 169 na Pinoy ang inilikas sa ibang mga lugar gaya ng Romania, Moldova, Hungary, Austria at Poland.
Ayon kay DFA Undersecretary for Migrant Workers’ Affairs Sarah Lou Arriola, Huwebes (Mar. 10) ng madaling araw nang dumating sa bansa ang pitong seafarers ng MV Star Helena galing Romania. (DDC)
