Makabuluhang selebrasyon ng Women’s Month; mga buntis nakinabang sa libreng ultrasound

Mahigit 60 ang nakinabang sa unang bahagi ng libreng serbisyo na ipinagkaloob sa mga kababaihan ng Montalban bilang bahagi ng pagidiriwang ng Women’s Month.

Sa pangunguna ni Dra. Carmela Javier, nagkaloob ng libreng implanon insertion at implanon removal noong March 1 at 3.

Kahapon, March 8, nagkaroon naman ng libreng ultrasound para sa mga buntis.

Umabot sa 49 na buntis ang naging benepisyaryo ng libreng ultrasound habang 18 naman naman ang nakinabang sa implanon insertion at removal.

Magpapatuloy ang libreng serbisyo sa mga kababaihan sa susunod pang mga araw.

Sa March 10, mayroon nang 100 kababaihan ang nagparehistro para sa libreng papsmear.

At 100 din ang beneficiaries para sa libreng Buntis Kit na ipamamahagi sa March 15 at 17. (BVD)