Shortlist ng mga kandidato sa Comelec posts pinalalantad sa Malakanyang
Pinalalantad ng grupong Kontra Daya sa Malakanyang ang shortlist ng mga kandidato sa pagka-commissioner ng Commission on Elections (Comelec) na pinagpilian ni Pangulong Rodrigo Duterte.
Kasunod ito ng paghirang ng pangulo sa tatlong bagong opisyal ng Comelec.
Ayon kay Kontra Daya convenor Danilo Arao dapat ilabas ng palasyo ang shortlist para makita ang mga pinagpilian.
Bilang bahagi ng transparency dapat aniyang ilabas ang listahan.
Magugunitang itinalaga ng pangulo si Saidamen Balt Pangarungan bilang Comelec ad interim chairperson at sina George Erwin Garcia at Aimee Torrefranca-Neri bilang ad interim Comelec commissioners. (DDC)
