199 na Pinoy mula Ukraine ligtas na sa panganib

Umabot na sa 199 na Pinoy ang nailikas mula sa Ukraine.

Ayon sa Department of Foreign Affairs (DFA), ligtas at malayo na sa panganib ang 199 na mga Pinoy.

Sa nasabing bilang, 63 ang nakauwi na sa Pilipinas, 73 ang inilikas sa Romania, 33 ang inilikas sa Moldova, 15 ang inilikas sa Hungary, 9 ang inilikas sa Austria at 6 ang inilikas sa Poland.

Ayon kay DFA Undersecretary for Migrant Workers’ Affairs Sarah Lou Arriola, mayroon pang ilang Filipino seafarers ang stranded sa Ukraine.

Mayroon ding mga Pinay na nakapangasawa ng Ukranian ang nananatili pa sa nasabing bansa. (DDC)