NCMF chief itinalaga ni Pangulong Duterte bilang bagong Comelec chair
Nagtalaga ng tatlong bagong opisyal sa Commission on Elections (Comelec) si Pangulong Rodrigo Duterte.
Ayon kay Palace Communications Secretary at acting presidential spokesperson Martin Andanar hinirang ng pangulo si National Commission on Muslim Filipinos (NCMF) Secretary Saidamen Pangarungan bilang bagong Comelec chairperson.
Si Pangarungan na isang abogado ay dati ring gobernador sa Lanao del Sur.
Itinalaga din ng pangulo sina Aimee Neri at George Garcia bilang bagong Comelec commissioners.
Si Garcia ay isang election lawyer.
Habang si Neri ay undersecretary ng Department of Social Welfare and Development (DSWD). (DDC)
