Presyo ng diesel tataas ng P5.85 per liter; gasolina tataas naman ng P3.60 per liter

Malakihang pagtaas sa presyo ng produktong petrolyo ang ipatutupad ng mga kumpanya ng langis.

Sa abiso ng mga kumpanya ng langis, tataas ng P5.85 ang presyo ng kada litro ng diesel; P4.10 ang itataas ng presyo ng kada litro ng kerosene at P3.60 ang itataas sa presyo ng kada litro ng gasolina.

Ang malaking pagtaas sa presyo ng produktong petrolyo ay dahil sa epekto ng giyera sa pagitan ng Russia at Ukraine.

Epektibo ang taas-presyo bukas, araw ng Martes (Mar. 8).

Ito na ang ikasampung sunod na linggo na may pagtaas sa presyo ng produktong petrolyo. (DDC)