MRT-3 may handog na libreng sakay sa mga kababaihan sa National Women’s Day
Libreng makasasakay sa MRT-3 ang mga kababaihan bukas, March 8, 2022.
Ito ay bilang pakikiisa ng MRT-3 sa paggunita ng National Women’s Day.
Libre ang pamasahe ng mga babaeng pasaherong sasakay mula ika-7 hanggang ika-9 ng umaga, at mula ika-5 ng hapon hanggang ika-7 ng gabi.
Ayon kay MRT-3 OIC-General Manager Asec. Eymard D. Eje, ang libreng sakay para sa mga kababaihan ay pagkilala sa kanilang natatangi at hindi matatawarang kontribusyon sa ating lipunan. (DDC)
