13 pang Pinoy mula sa Ukraine dumating sa bansa

Dumating sa bansa 13 pang mga Pinoy na inilikas mula sa Ukraine.

Sinalubong ni Department of Foreign Affairs-Office of Migrant Workers Affairs Undersecretary Sarah Lou Y. Arriola at ni Assistant Secretary Paul Raymund P. Cortes ang mga bagong uwing Pinoy nang dumating sila sa NAIA Terminal III lulan ng Emirates Airlines flight.

Bahagi sila ng 40 evacuees na umalis sa Kyiv patungong Lviv at sinalubong ni Foreign Affairs Sec. Teodoro L. Locsin, Jr. sa Poland border.

Sa kabuuan, mayroon nang 19 na Pinoy ang nakauwi sa bansa.

Mayroon nang anim na Pinoy mula sa Ukraine ang una nang nakauwi.

Sinagot ng pamahalaan sa ilalim ng Assistance to Nationals fund ng DFA ang repatriation expenses, kabilang ang transport expenses mula Kyiv hanggang Warsaw, food at accommodation sa Lviv at Warsaw, RT-PCR test, at airfare pabalik ng Manila ng mga umuwing Pinoy. (DDC)