Pagbaba sa Alert Level 1 sa NCR irerekomenda ng mga Metro Mayors sa IATF

Nagkaisa ang mga alkalde sa Metro Manila na irekomenda ang pagbaba sa Alert Level 1 simula March 1, 2022.

Ayon kay Parañaque City Mayor Edwin Olivarez, ito ang irerekomenda ng Metro Manila Council sa Inter Agency Task Force.

Ang Alert Level 1 ang pinakamaluwag alert status para sa pagpapatupad ng health and safety protocols laban sa COVID-19.

Naniniwala ang mga alkalde sa NCR na handa na ang mga LGUs na mag-shift sa Alert Level 1.

Patuloy na bumababa ang kaso ng COVID-19 sa Metro Manila maging sa iba pang bahagi ng bansa. (DDC)