Pakistani na gumagawa ng pampasabog kakasuhan ng BI
Sasampahan ng kasong kriminal ng Bureau of Immigration ang isang dayuhan na na dinakip ng Palawan police matapos mahulihan ng mga baril at pampasabog.
Inatasan na ni Immigration Commissioner Jaime Morente ang
BI Legal Division na kasuhan nang paglabag sa immigration law violation ang 29-anyos na si Haroon Bashir, isang Pakistani.
Si Bashir, dinakip noong Agosto 6 sa kanyang tirahan sa Atis road, Dacillo Compound, Bgy. San Jose, Puerto Princesa City, Palawan, hinihinalang gumagawa ng bomba ay itnuturing na overstaying na sa bansa lalo na at hindi na umalis ng Pilipinas mula nang dumating noong April 28 2013, bigo rin na magpresenta ng pasaporte
Iniimbestigahan na rin ng pulisya ang posibleng pagkakasangkot ng naturang Pakistani sa local terrorist groups.
Isasalang na rin sa deportation proceeding si Bashir ngunit niliwanag ni Morente na hindi makaaalis ng bansa ang nasabing Pakistani habang hindi natatapos ang igagawad na hatol at parusa ng korte.
