Star City bubuksan muli sa publiko simula Feb. 24
Handa na ang Star City na tumanggap ng mga bisita ngayong Pebrero, sa harap ng patuloy na pagbaba ng mga kaso ng COVID-19 at marami ng mga bata ang nababakunahan.
Sa Facebook post, sinabi ng pamunuan ng Theme Park na bubuksan muli sa publiko ang pasyalan sa February 24, na may operating hours na 12:00NN hanggang 8:00PM mula Huwebes hanggang Linggo.
Sa isa pang post, inihayag ng Star City na tatanggap sila ng mga bisitang 18 taong gulang pataas ay dapat fully vaccinated, at mag-o-operate ang theme park sa maximum na 50% indoor venue capacity at 70% percent outdoor venue capacity.
Unang itinakda ang reopening ng Star City noong January 14, mahigit dalawang taon mula nang masunog ang malaking bahagi nito, subalit ipinagpaliban muna dahil sa paglobo ng COVID-19 cases pagkatapos ng holidays. (Infinite Radio Calbayog)
