PNP bumili ng mga bagong sea at land mobile assets
Bumili ang Philippine National Police (PNP) ng mga bagong sea at land mobile assets, at communication equipment.
Pinangunahan ni PNP Chief, Police General Dionardo Carlos ang isinagawang blessing sa mga bagong kagamitan na nagkakahalaga ng P576,667,540.
Kabilang sa mga bagong gamit na binili ng PNP ang sampung High-speed Tactical Watercraft.
Makatutulong ang mga ito sa pagresponde at pagpapatrulya ng PNP Maritime Group at Special Action Force.
Bumili din ang PNP ng 34 na 6-wheel utility trucks, 123 na 4×2 patrol vehicles, 170 lowband VHF tactical radio sets, at 1,628 handheld Digital Mobile Radio transceivers. (DDC)
