60.1 million na katao fully-vaccinated na kontra COVID-19
Umabot na sa mahigit 60.1 million ang fully-vaccinated na laban sa COVID-19.
Batay sa National COVID-19 Vaccination Dashboard na iprinisinta ni acting Presidential Spokesperson at Cabinet Sec. Karlo Nograles sa kaniyang virtual press briefing, umabot na sa 129,125,464 ang total vaccine administered sa bansa.
Sa nasabing bilang, 60,738,6897 ang nabakunahan na ng first dose.
60,145,895 ang nakakumpleto na ng kanilang bakuna.
Habang mayroong 8,240,672 ang nakatanggap na ng booster dose. (DDC)
