TINGNAN: Opisyal at pinal na balota para sa 2022 elections inilabas ng Comelec

Ipinasilip na sa publiko ng Commission on Elections (Comelec) ang opisyal at pinal na balota na gagamitin para sa 2022 elections.

Naglalaman na ito ng pinal na listahan ng mga kandidato para sa nalalapit na eleksyon.

Ang kopya ng balota na pinakita ng Comelec ay ang gagamitin para sa Overseas Absentee Voting sa Brunei.

Base sa nasabing kopya ng balota, 10 ang bilang ng mga kandato para sa pagka-pangulo at 9 naman sa pagka-bise presidente.

Mayroon namang 64 na kandidato sa pagka-senador.

Nilaktawan naman sa listahan ang number 96 matapos na ibasura ng Comelec ang akreditasyon ng Malasakit Movement Party-List. (DDC)