Seaman’s Book libre na sa mga seafarers na kukuha nito sa unang pagkakataon – Tugade

Libre na ang pagkuha ng Seaman’s Book para sa mga seafarer na unang pagkakataon pa lamang na kukuha nito.

Ayon kay Department of Transportation (DOTr) Sec. Arthur Tugade inaprubahan na ng Maritime Industry Authority (MARINA) na gawing libre ang unang pagkakataon na pagkuha ng Seaman’s Book.

Nagkakahalaga ng P1,000 hanggang P1,800 ang pagkuha ng Seaman’s Book.

Ayon kay Tugade, inaprubahan din ng MARINA Board na magbibigay ng 50% discount hanggang sa buwan ng Disyempre ngayong taon para naman sa mga seafarer na magre-renew ng kanilang mga Seaman’s Book.

Ani Tugade, tulong ito ng DOTr sa mga seafarer na naapektuhan din ng matindi ngayong may pandemya ng COVID-19. (DDC)