DOH nakapagtala ng 32,744 na bagong kaso ng COVID-19

Nakapagtala ng 32,744 na bagong kaso ng COVID-19 sa bansa.

Ayon sa datos ng Department of Health (DOH) araw ng Biyernes, Jan. 21 ay 3,357,083 na ang kabuuang bilang ng kaso ng COVID-19 sa bansa.

Sa kabuuang bilang ng COVID-19 cases, 3,012,156 ang gumaling o katumbas ng 89.7 percent makaraang makapagtala pa ng dagdag na 16,385 na gumaling.

Sumampa na sa 291,618 ang aktibong kaso ng COVID-19 ng 8.7 percent.

Ito na ang pinakamataas na bilang ng aktibong kaso na naitala sa bansa mula nang magkaroon ng pandemya ng COVID-19,

Nasa 53,309 ang kabuuang death toll sa bansa o 1.59 percent makaraang makapagtala ng 156 pang pumanaw. (DDC)