Panibagong record high: DOH nakapagtala ng 37,207 na bagong kaso ng COVID-19

Nakapagtala ng 37,207 na bagong kaso ng COVID-19 sa bansa.

Pinakamataas ito na single day increase simula nang magkaroon ng pandemya ng COVID-19 sa bansa.

Ayon sa datos ng Department of Health (DOH) araw ng Biyernes, Jan. 14 ay 3,129,512 na ang kabuuang bilang ng kaso ng COVID-19 sa bansa.

Sa kabuuang bilang ng COVID-19 cases, 2,811,188 ang gumaling o katumbas ng 89.8 percent makaraang makapagtala pa ng dagdag na 9,027 na gumaling.

Sumampa na sa 265,509 ang aktibong kaso ng COVID-19 ng 8.5 percent.

Nasa 52,815 ang kabuuang death toll sa bansa o 1.69 percent makaraang makapagtala ng 81 pang pumanaw. (DDC)