Mexican President Andres Manuel Lopez Obrador muling nagpositibo sa COVID-19

Sa ikalawang pagkakataon ay nagpositibo muli sa COVID-19 si Mexican President Andres Manuel Lopez Obrador.

Ayon sa presidente, mild lamang ang nararanasan niyang sintomas sa ngayon at naka-isolate na siya.

Ang 68-anyos na si Lopez Obrador ay nauna nang nagpositibo sa COVID-19 noong January 2021.

Noong Lunes, kapansin-pansin na paos ang boses ng president sa kaniyang morning news conference kaya agad itong nagpasailalim sa test.

Nakapagtatrabaho pa naman at nakadadalo ng pulong ang presidente sa pamamagitan ng online. (DDC)