14 pang Pinoy tinamaan ng COVID-19 sa ibang bansa; 1 pa ang nasawi
Nadagdagan ng 14 pa ang bilang ng mga Pinoy sa ibang bansa na tinamaan ng COVID-19.
Sa datos mula sa Department of Foreign Affairs (DFA) araw ng Lunes, Jan. 10, sa kabuuan 24,291 na ang bilang ng mga Pinoy abroad na tinamaan ng COVID-19.
Sa nasabing bilang, 14,437 na ang gumaling habang 8,400 pa ang sumasailalim sa gamutan.
Nasa 1,454 naman ang kabuuang bilang ng mga nasawing Pinoy sa ibang bansa dahil sa COVID-19 makaraang makapagtala ng 1 pang pumanaw.
Sa Middle East/South Africa mayroong naitalang pinakamaraming kaso na umabot na sa 13,154.
Sa Asia Pacific Region naman ay nakapagtala ng 6,419 cases. (DDC)
