Panibagong record-high, DOH nakapagtala ng 33,169 na bagong kaso ng COVID-19

Nakapagtala ng 33,169 na bagong kaso ng COVID-19 sa bansa.

Panibagong record high ito mula nang magkaroon ng pandemya sa bansa.

Ayon sa datos ng Department of Health (DOH) araw ng Lunes, Jan. 10 ay 2,998,530 na ang kabuuang bilang ng kaso ng COVID-19 sa bansa.

Sa kabuuang bilang ng COVID-19 cases, 2,788,711 ang gumaling o katumbas ng 93.0 percent makaraang makapagtala pa ng dagdag na 3,725 na gumaling.

Sumampa na sa 157,526 ang aktibong kaso ng COVID-19 ng 5.3 percent.

Nasa 52,293 ang kabuuang death toll sa bansa o 1.74 percent makaraang makapagtala ng 145 pang pumanaw. (DDC)