Mga larawan ni Mel Sarmiento wala na sa IG ni Kris Aquino

Usap-usapan ngayon sa social media ang estado ng relasyon sa pagitan nina Kris Aquino at dating Department of the Interior and Local Government Sec. Mel Sarmiento.

Ito ay makaraang mawala sa Instagram ni Kris ang lahat ng larawan na kasama niya ang kaniyang fiancé.

Simula nang ianunsyo ni Kris ang engagement nila ni Sarmiento noong Oct. 24 ay ilang beses na rin itong nagbahagi sa kaniyang IG ng larawan nila na magkasama.

Kabilang sa hindi na matagpuan sa IG ni Kris ang larawan ng biglaang date nila sa isang fast food chain.

Kapwa naman wala pang komento mula sa magkabilang panig hinggil sa nasabing isyu. (DDC)