Laban ng Miami Heat at San Antonio Spurs ipinagpaliban; Heat kulang sa manlalaro
Ipinagpaliban ng NBA ang laban sa pagitan ng San Antonio Spurs at Miami Heat.
Bigo kasi ang Miami na makakumpleto ng minimum na available na walong manlalaro.
Tatlo pa kasing manlalaro ng Heat ang kinailangang sumailalim sa COVID health and safety protocols.
Sa ngayon, sumasailalim sa COVID health and safety protocols sina Gabe Vincent, P.J. Tucker at Zylan Cheatham kasama sina Kyle Lowry, Udonis Haslem at Max Strus.
Ang isa pang manlalaro ng Heat na si Bam Adebayo ay mayroong thumb injury.
Injured din sina Dewayne Dedmon, Markieff Morris, Victor Oladipo, at Jimmy Butler. (DDC)
