Pambato ng India itinanghal na Miss Universe 2021
Ang pambato ng India na si Harnaaz Sandhu ang kinoronahan bilang Miss Universe 2021 sa katatapos na coronation na ginanap sa Israel.
Itinanghal namang First runner-up ang pambato ng Paraguay na si Nadia Ferreira at
Second runner-up ang pambato ng South Africa na si Lalela Mswane.
Sa Question and Answer, tinanong si Miss India tungkol sa climate change at sa mga hindi naniniwala na nangyayari na nga ito.
Ayon kay Miss India nakalulungkot ang nangyayari sa kalikasan dahil sa irresponsible behavior ng mga tao.
Aniya, kailangan ang mas maraming aksyon, pagsasagawa ng “prevent and protect” kaysa mauwi sa “repent and repair”.
Ang pambato ng Pilipinas na si Bea Luigi Gomez ay nagtapos sa Top 5. (DDC)
