Total vaccines administered sa QC umabot na sa mahigit 4.1 million

Mayroon nang mahigit 1.8 million na mga residente sa Quezon City ang fully-vaccinated na.

Sa inilabas na datos ng Quezon City local government, 1,870,654 na ang fully vaccinated sa lungsod.

Kabilang dito ang mga tumanggap ng single-dose vaccine ng Janssen.

Ang nasabing bilang ay katumbas ng 110.04 percent ng 1.7 million target adult population ng lungsod.

Umabot naman na sa 4,182,852 ang total vaccines administered sa Quezon City.

Habang mayroong 186,513 na menor de edad ang nakatanggap na ng kanilang first dose ng bakuna sa lungsod. (DDC)