Pitong umuwing OFW na galing South Africa hinahanap pa ng DOH
Pitong biyahero pa galing South Africa ang hinahanap ng Department of Health (DOH).
Ayon sa pahayag ng DOH, sa walong biyahero na pawang returning OFWs, isa pa lamang ang na-locate habang ang pito ay pinaghahanap pa.
Ang na-locate na OFW ay naka-home quarantine, negatibo ang RT PCR test at walang anumang sintomas.
Ayon kay Health Undersecretary at spokesperson Maria Rosario Vergeire, sa pitong hinahanap pa, ang tatlo ay hindi nagbigay ng kanilang personal number, isa ang mali ang ibinigay na contact number, isa ang hindi kumpleto ang numero at dalawa ang hindi sumasagot.
Apela ng DOH sa mga OFW na ito, agad makipag-ugnayan sa DOH regional offices sa kanilang lugar para maisailalim sila sa re-test kung kailangan. (DDC)
