Marian Rivera umalis na patungong Israel para magsilbing judge sa 70th Miss Universe pageant
Nakaalis na ng bansa ang aktres na si Marian Rivera at patungo na ng Israel kung saan magsisilbi siyang judge sa idaraos na 70th Miss Universe pageant.
Sa ibinahaging larawan ng aktres sa kaniyang Instagram story, makikitang sakay siya ng eroplano, kasama ang kaniyang asawa na si Dingdong Dantes.
Sa December 12 magaganap ang coronation night ng Miss Universe.
Una nang kinumpirma ni Marian ang balitang napili nga siya para maging isa sa mga judge sa Miss Universe. (DDC)
