BREAKING: DOH nakapagtala lang ng 665 na bagong kaso ng COVID-19

Nakapagtala lamang ng 665 na bagong kaso ng COVID-19 sa bansa.

Ito na ang ikaanim na sunod na araw na mas mababa sa isanglibo ang naitatalang bagong kaso.

Ito rin ang pinakamababang datos ng mga bagong kaso mula noong July 14, 2020.

Ayon sa datos ng Department of Health (DOH) araw ng Lunes, Nov. 29 ay 2,832,375 na ang kabuuang bilang ng kaso ng COVID-19 sa bansa.

Sa kabuuang bilang ng COVID-19 cases, 2,767,585 ang gumaling o katumbas ng 97.7 percent makaraang makapagtala pa ng dagdag na 993 na gumaling.

16,289 naman ang active cases o katumbas ng 0.6 percent.

Nasa 48,501 ang kabuuang death toll sa bansa o 1.71 percent makaraang makapagtala ng 141 pang pumanaw. (DDC)