1.2 million doses ng Pfizer COVID-19 vaccine na-deliver sa bansa sa loob ng isang linggo

Sa loob ng linggong ito, nakumpleto ang delivery ng 1.2 million doses ng COVID-19 vaccine ng Pfizer sa bansa.

Kasunod ito ng pagdating ng 201,240 doses pa ng Pfizer COVID-19 vaccine na binili ng gobyerno.

Sa kabuuan, sa loob ng isang linggo ay umabot sa 1,219,140 ang bilang ng Pfizer doses na dumating sa bansa.

Kabilang ang Pfizer vaccines sa ide-deploy para sa National COVID-19 Vaccination Days na gaganapin mula Nov. 29 hanggang Dec. 1.

Target ng tatlong araw na aktibidad na mabakunahan ang aabot sa 9 na milyong katao sa iba’t ibang panig ng bansa. (DDC)