DOH nakapagtala lang ng 863 na bagong kaso ng COVID-19

Nakapagtala lamang ng 863 na bagong kaso ng COVID-19 sa bansa.

Ito na ang ikatlong sunod na araw na mas mababa sa isanglibo ang naitatalang bagong kaso.

Ayon sa datos ng Department of Health (DOH) araw ng Biyernes, Nov. 26 ay 2,830,387 na ang kabuuang bilang ng kaso ng COVID-19 sa bansa.

Sa kabuuang bilang ng COVID-19 cases, 2,764,517 ang gumaling o katumbas ng 97.7 percent makaraang makapagtala pa ng dagdag na 791 na gumaling.

17,853 naman ang active cases o katumbas ng 0.6 percent.

Nasa 48,017 ang kabuuang death toll sa bansa o 1.70 percent makaraang makapagtala ng 142 pang pumanaw. (DDC)