Mga buntis at manganganak na, hindi muna tatanggapin sa Justice Jose Abad Santos General Hospital sa Maynila
Itinigil muna ang pagtanggap ng mga buntis at manganganak na pasyente sa Justice Jose Abad Santos General Hospital sa Maynila.
Umabot na kasi sa 233 percent ang occupancy rate ng ‘paanakan’ sa ospital.
“Ang occupancy rate ng kama para sa mga nanganak ay 233% na po. Ibig sabihin ay mahigit pa so doble ang bilang ng pasyente kumpara sa kama ng ospital,” ayon sa abiso ng pagamutan.
Hinimok na magtungo na lamang muna sa ibang ospital ang mga residenteng buntis o manganganak na.
Maglalabas na lamang muli ng abiso ang ospital kapag pwede nang tumanggap ng OB patients.
Follow us on Twitter: https://twitter.com/NewsFlashPH
Like us on Facebook: https://www.facebook.com/newsflashwebsite
