Lady bikers nagsagawa ng tree planting sa Mt. Oro sa Montalban
Sinabayan ng tree planting ng isang grupo ng lady bikers ang kanilang pagbibisikleta sa Mt. Oro sa Montalban, Rizal.
Maliban sa kanilang layunin na makapag-ehersisyo at maisagawa ang kanilang libangan na pagbibisikleta, nag-isip din ang grupo ng mga lady biker na ito ng pamamaraan upang makatulong sa kalikasan.
Sa kanilang isinagawang tree planting, nagtanim ng fruit bearing trees ang grupo sa Mt. Oro.
Kabilang sa kanilang itinanim ang mga puno ng santo, bayabas, rambutan at maging ang money tree.
