DOH nakapagtala lang ng 984 na bagong kaso ng COVID-19

Nakapagtala ng 984 na bagong kaso ng COVID-19 sa bansa.

Ayon sa datos ng Department of Health (DOH) araw ng Lunes, Nov. 22 ay 2,826,853 na ang kabuuang bilang ng kaso ng COVID-19 sa bansa.

Sa kabuuang bilang ng COVID-19 cases, 2,759,767 ang gumaling o katumbas ng 97.6 percent makaraang makapagtala pa ng dagdag na 2,229 na gumaling.

19,798 naman ang active cases o katumbas ng 0.7 percent.

Simula noong Enero 2021, ngayon lamang bumaba ng mas mababa sa 20,000 ang bilang ng mga aktibong kaso ng COVID-19 sa bansa.

Nasa 47,288 ang kabuuang death toll sa bansa o 1.67 percent makaraang makapagtala ng 218 pang pumanaw. (DDC)