Lalaking nambato sa bintana ng MRT-3 nakakulong na sa Pasay City police
Hawak na ng mga otoridad ang suspek na nambato sa bintana ng MRT-3 at ikinasugat ng isang pasahero.
Ang suspek ay kinilalang si Lester Rodriguez, 29 anyos na nakakulong na sa Pasay City Substation 4.
Ayon sa Pasay City police, si Rodriguez ay positibong kinilala ng dalawang testigo na siyang naghagis ng bato sa MRT-3 train sa bahagi ng Magallanes station noong Linggo ng umaga.
Maghahain ng reklamo ang pamunuan ng MRT-3 laban kay Rodriguez kabilang ang reklamong malicious mischief. (DDC)
